गुगल अ‍ॅलर्ट वापरून इंटरनेट जगतावर टेहळणी कशी करू शकतो...

गुगल अ‍ॅलर्ट वापरून इंटरनेट जगतावर टेहळणी

इंटरनेट वर प्रचंड प्रमाणात माहिती उपलब्ध असली तरी ब-याच वेळा आपल्याला हवी असणारी माहिती उपलब्ध होऊ शकत नाही. काही वेळा माहिती उपलब्ध होऊनही ती पुरेशी नसते. इंटरनेटवर प्रत्येक क्षणी कितीतरी पेजेस अपलोड होत असतात; पण आपल्याला हवी ती माहिती इंटरनेटवर पडल्याचे आपल्याला कसे कळणार? त्यासाठी गुगलने ‘गुगल अ‍ॅलर्टस्’ नावाची विशेष विनामूल्य सेवा दिली आहे. यासाठी http://www.google.com/alerts या लिंकवर जाऊन नोंदणी करा. ज्याबद्दल तुम्हाला अ‍ॅलर्ट हवाय तो मुद्दा, त्याचा प्रकार, दिवसातून किती वेळा अ‍ॅलर्ट पाठवावेत, कोणते पाठवावेत हे देऊन तुमचा जीमेल आयडी द्या. त्यानंतर तुमच्या ई-मेलवर गुगलकडून एक ई-मेल येईल, त्यात दिलेल्या लिंकवर क्लिक करा. यानंतर इंटरनेटवर पडलेल्या नवीनतम माहितीबद्दल ती इंटरनेटवर पडताक्षणीच तुम्हाला सूचित करण्यात येईल.